天官 一間我中五畢業既學校 今日係我放榜後第3次返去 點解? 梗係有d野做啦 咩就唔講啦 唔想俾人知 咁反正我地都返去 當然搵王聰, b少佢地食飯啦 不過死仔肥明竟然返屋企食-.- 可能未通知佢 屋企煮左佢飯掛 唔怪得佢既^^" 剩係食飯都煩死 度度都爆晒 痴線~!! 溫沙 椰林閤全部爆晒 搞到我地等左勁耐先有得食 食到差唔多成2點先食完 之後就返學校搞埋原本諗住整既野 一返到學校 我見到一個人 但我扮見唔到佢 因為唔想叫佢 之後整完就係學校亂行左一陣 當中見到d唔知f.幾既學弟妹 我地冇理 去左小食部度坐 因為班學弟妹上PE堂 岩岩對正我地 唔係吹水 成班人有好多人望住我地 好似怪物咁-.- 之後約b少去自修室等 咁我同肥仔就係天耀行左一陣 去左球場睇人地踢波 踢得好鬼屎-.-" 係度傾點解我地走左 學校先有靚女 PK 難度俾人咀咒@@ 講真今年真係有幾個靚嫁 HAHA

到左差唔多放學 我地就去搵佢地 點知遲左 走晒-.-" 之後見到可偉哥 佢又話社自修室 咁我地就一齊行LU 去到自修室 原來b少未到 悶到死 就去左睇電視 睇馭龍少年 但電視好似冇漫畫咁好睇 過左一陣b少到啦 開始溫書 但都溫唔到 因為冇書溫~哈哈 諗住眅女 又冇靚女 諗下諗下 記返起我到而嫁都掛住佢既自修室靚女 真係靚到冇野講 我出世咁耐 佢係咁耐以黎都仲係排第一既靚女 好掛住佢添>< 唉...但佢唔知會唔會再黎呢?? 之後見到趙明絲 好似係咁個名 係度傾左一陣 講下近排點 走左一陣 隔左一陣又傾 哈哈 之後見到3個女仔 有一個幾靚嫁 粉紅色衫 但我硬係好似見過佢咁 點知俾佢地笑-.-" 真係見過咁嫁好似 幾靚嫁~~~ 之後玩下電腦 周圍走下都成5點半 咁就走lu 不過唉.......如果可以俾我再見返自修室果個 就真係好啦 勁想見返佢 勁想呀~!!

返到樓下 竟然見到個幾靚既人 但我平時唔發覺我果棟有靚女既 可能真係眼大睇過龍 平時真係要留意多d先得 仲抵死係同一部Lift 正呀~!! 以後多d留意啦~wakaka

下面果句如果尋日有睇既 應該係雨中踢波果日打既 但我尋日唔記得有31號 所以今日搬返上黎 係度向各位講聲唔好意思

而今日就係1月最後1日打日記 雖然係1月中先開始 但2月就會1號開始嫁啦想睇就睇2月份啦~加油~ 希望各位新一月新開始~大家加油~!

今日 係我見工既日子 講真份工都真係幾好做 又多人工 我今日朝早起完身就開始gel頭 著衫 拿拿林去搭車 因為驚唔夠時間 坐左成粒鍾車 終於到左沙田啦 之後諗住轉巴士既 點知搵左好耐都搵唔到 咁就搭的士 成30蚊>< 到左帝堡城 間野PK大到乜咁 搞完一大倫 先入到去 正確 係搞左成3個字 先入左去大堂-.- 不過好彩一路行一路問 好快就到左會所度 大約果時9點45分左右 去到會所度 又要我填表另外我見到我最憎既野 英文INTERVIEW TEST既一張紙 PK~!!! D資料好快就填完 但張野...............無言 2條問題 第一條答錯晒 第2條唔識冇答-.- <--- 我問返大家姐先知 之後入左去INTERVIEW 問左唔夠10句 就走得 大約需時5-10MIN 唔使咁快呀-.- PK~!! 不過算啦 我都冇預佢會請我 純粹想吸收多D INTERVIEW既經驗

上面既係我今日見工過程 主題係雨中踢波 當然要講下啦 係1點既時候 終於約齊人 到左2點既時候 就開始踢 可能今日落雨 冇人黎踢波 同班細佬踢 算啦 都幾開心既 而我地就有大Kam 陶 肥仔同我 踢既時候 肥仔去左細佬隊 因為唔過去 佢地冇得踢 而搞到我地3打5 -.-" 隔離隊印象有一個細佬都OK既 不過同天瑞果班比較 真係冇得比 人地高幾多班-.- 仲有個阿叔 仲以為好勁-.- 一CUP過左 一個假身過左 通坑渠過左 廢到....... 最後以16比13落敗 因為冇人踢得我地踢 都幾無聊既 但又幾開心~哈

踢到4點幾 送走左陶 係天橋既時候 仲問陶借錢買左個夾餅食~哈哈 之後就去返OK搵肥仔佢地 買完野飲 又去返球場練波 係啦 係練波 肥仔練左右腳斬, 控 我練控, 斬, 左腳 不停練 後期轉左大Kam同肥仔練 話時話 死人聰 賤may 2條友話黎又唔黎 cheapcheap~! 最後就練射波 肥仔好似食左咩咁 射左差唔多成百球 入得唔夠20球-.- 射完就返屋企lu 返屋企前就去左我屋企 整理下儀容先走 最後仲借左2對物俾佢地 冇所謂啦 好朋友~!

今晚仲打邊爐添呀~哈 尋日打完今日又打~哈 哈 哈 哈-.-""" 好傻仔 感覺上好少野食 不過一家人食野開心咪得囉~嗯~

HAHA~哩日既日記係我隔左1日先打返上去既 因為我哩幾日唔得閒 如果睇開我日記既人 睇唔到哩幾日既話 我講聲sorry 好~入正題啦

今日既旺角之行係我個FD b少約左好耐嫁啦 因為上次既旺角之行 b少係冇去到嫁~wakaka 仲要今次佢成2個星期前約 真係誇張-.- 話說我哩日 一早起身 第一樣野就係洗頭 點解呢? 因為我個頭唔洗既話 朝早起身係唔出得街嫁 豎到乜咁 咁洗完頭 時間尚早 咁就打左陣機 天傳online入面升左幾lv 原來入面有d怪又多exp又好打 正~!

好啦~哩日本身係朝早去踢波既 但前一日我聽到新閒話果度有好多紅火蟻 so我同聰講大話 話果度好遠 唔去~wakaka 大家唔好話我細膽 因為....我出名怕死~哈哈哈哈 所以行程定為去睇學界足球比賽決賽 唔講唔知 原來遵理踢波係學界第一 真係估佢唔到 去到既時候 仲未開波 搞到我要眅女過時間-.- 真係..... 一路睇 又真係幾多女既 但因為近視深左 睇得唔清楚 真係慘>< 好啦~~~!!!! 開波既時間俾原定遲左成半個鍾-.- 開波~! 一開始遵理禁住人地黎踢 又遠射 又頭鎚 真係好勁 但天公不做美 佢地仍然係又中柱 又頂斜 真係 好彩經過狂攻後 終於入左1球 之後越黎越唔好睇 俾人地連追3球-.-" 搞到我地索性去食野 我就提議左去食麵 當中肥仔係好唔願意 但都冇計~我地要食~哈哈

1點既時候 到左錦上路西鐵站 聰又照舊遲左半個鍾 fuxk 之後我地搭西鐵去南昌 肥仔話佢識路 之後轉搭巴士 上車後先知信錯佢 塞到...無言 2點先開始正式行街 之後我同肥明既大計~就係.....一人眅10個最靚既女 wakaka 首先就係行朗豪坊 哩間野最大特式就係好多男女朋友-.- 我深刻印象就係有一個男仔同個女仔係度揀衫 條仔係咁摸條女個patpat-.- 白痴~!

第2站 唔記得間野個名 整體黎講 都係冇野行 不過肥明話見到幾個靚女 但我硬係冇緣睇>< -- 題外話 : 今日我同靚女勁無緣 -- 哩d遲d再講

第3站 chip之堡 <--好似咁串 每一層都行左成幾廿次 勁無聊 最後都剩係買左1件衫咁大把 哩間野既行程 係同大隊分開左既 我同肥明同聰行既 200蚊3件 咁我地3個就一人一件 哈哈 最後會合 原來b少同大kam都一人一件外套 果一刻得返肥仔未買野 wakaka

第4站 新天地 原來我一直都記錯chip之堡同新天地 唔好意思-.- 係哩度 肥仔都買左2件 我同大kam都買左1件 原來肥仔一唔買 一買就揀勁耐~煩 係果間野買衫既時候 有2個女仔走左黎買褲 有一個幾靚嫁 最後行完哩度就係度決定去屯門定去元朗 但最最後係去元朗既-.-

第5站 元朗 哩站就冇行過 因為落到黎都成6點30 所以決定左去打邊爐 本身係諗住去醉龍閣 但太貴 so去左仁家 果度真係好抵食 我地飲左幾廿支可樂 幾渣夏枯草 食方面 以肥牛同埋蝦為我地必然之選 大約統計 都係蝦同肥仔叫得最多 應該有廿碟每樣 食到一半 主題到啦 我見到個靚女呀~!!!!! 都幾靚嫁~!!! 有幾次我專登去廁所 都搵唔到-.- 唉 之後我地係度傾下女 傾下邊個最快識到女朋友 傾下maymay~哈 另外 果度有個男侍應同經理勁有前途 勁識做 食到最後 我就走左去廁所 去完返到去 聽到佢地話 靚女走左>< 果刻真係想喊 喊到驚天地 泣鬼神 <--中文誇張手法 之後傾小學d野 講返起真係勁開心 師父<-- 係人都知佢係點 真係勁好笑 笑到我真係..... 另外好似話周慧銘大個索左好多 我都想見下 haha 之後就埋單返屋企lu

返到去 就準備下一日見工 汁汁下先發覺我冇會考証書-.- fuxk 搞到我煩左成晚 哩日既日記可能比較長 因為多野想記低 唔好意思 睇既人唔好罵我

另外多謝我班fd 雖然成日串我 <--我知佢地玩 但我都好開心有班咁好既fd 指定動作 : 多謝 肥明 肥仔 大Kam B少 王聰

而嫁打日記已經變成左我日日一定會做既事 唔打硬係唔舒服唔知點解 不過最估唔到係我竟然堅持到成1個半星期 我二家姐係我未打既時候話我 一定打唔過1星期 哈哈~ 真係勁~!

今日係我最冇野講既一日 因為真係超冇野做 而我係打哩篇日記既時候 剩係諗個主題 都諗左勁耐-.-" 但我拎餃子做主題都有原因既 就係我今日下午5點幾既時候 勁肚餓 諗住煮d餃子食啦 點知我家姐話幫我煎 haha 煎梗係好食好多啦 之後阿媽又話食 咁整整下整左成20幾隻-.- 最後就係佢地唔多食 我食左成廿幾隻啦~哈哈

另外天傳online 幾好玩嫁~不過lag得濟~煩

原來球品真係好重要嫁 大家唔好以為踢波勁 扭波醒就好叻 賤到死 話說我今日同maymay 肥仔去左我樓下踢波 朗屏即係我樓下有個唔似5人場 又唔似7人場既場 入返正題 咁我地玩玩下既時候 有人撩我地鬥波 咁我地咪鬥囉 但我地3個人嘛 當然要搵人加啦 咁對面就開始賤啦 俾2個唔識踢波既白痴我地 對面5個都有返咁上下 踢屎咩 咁我地都照踢啦 輸左幾球後 我發脾氣 要求對面換2個俾我地 佢地就死都唔肯 之後maymay走埋黎話 " 3個都贏佢地 咪仲勁 " 佢講完後 haha 心諗咁又係 之後又繼續踢 踢踢下 無啦啦有個細佬話 " 係度蝦細佬 " 佢係我果隊嫁 我話 " 你夠膽講多次 " 佢又夠膽wor 我再講多句 " 你夠~膽~講~多~次 "之後肥仔又拉 maymay又講 咁我咪算囉

咁之後 有人黎跟隊 我地就發揮實力 2:0搞掂 當中換左2個勁人 之後跟隊既係校隊 我以為好勁 用盡全力踢 最後果球我左腳cup 右腳就拿手好戲趟射 cur返去遠柱死角搞掂 2:0 10min又搞掂 垃圾=.= 咁我地贏左後 跟果隊落黎 幫我地果2個就返返佢果隊 我地又變返3個 咁梗係問人 有冇人幫手啦 點知個個都冇品 樣衰衰 死都唔肯幫 逼我地走 死PK 哼~! 搞到我地冇得踢 PKPKPK~! 最後都係無奈咁走

無奈咁走 冇計 我地唯有去八角廣場 練下長傳 控波 表演下腳法~眅下女~哈哈~~哈哈 都真係幾型嫁~!

PS : 肥仔~你想我唔講你 你咪唔好搵我囉-.-"

今日 死肥仔無啦啦約我地去食壽司 原來佢又唔返學 真係衰格... 之後我地就約左鎮彥同胡展一齊lu 唔知點解我地4個哩排成日一齊-.-" 比以前fd左好多 真開心~! 我初初出去既時候 仲以為係元朗食 點知死肥仔昆我出去 之後又話入天水圍 死PK~! 咁我地就入左天水圍天唔知咩果度食 果度係我地聚腳既地方 因為平嘛~HAHA

咁我地開始瘋狂食野既時候 發覺果度勁多人-.-" 煩到死 搞到我地坐埋一二邊 哼~! 一開始肥仔又食佢既致愛 曼魚壽司 我就食我既致愛蟹籽壽司 HAHA~ 一路食一路搞搞震 將D碟放埋一齊 等D人 以為我地一個人都食咁多~哈哈 18碟呀~ 不過計返平均一人都係食得果12-15碟左右 之後越計就越唔抵 肥仔就不停咁食 話" 唔抵呀 唔抵呀 " 係咁食 痴線咁 我地3個都食到唔想食 肥仔仲係咁食 原來佢都真係幾大食-.-"

食完之後 就一齊去左網吧打左陣機 一入到去 我就入左龍族睇下 點知已經俾人DEL左ACC 頂~!! 咁我地就開始玩CS 我同肥仔一隊 胡展同鎮彥一隊 我同肥仔勁殺佢地 勁好笑 玩玩下 多左班人 中間唔講啦 到最後玩Half-Life先好笑 肥仔係咁裝炸彈 勁cheap 炸到我地真係.....-.- 玩完之後先發覺Half-Life好好玩嫁~!

PS : 肥仔話唔好成日講佢wor-.-"

尋日唔記得左打日記呀>< 掛住睇電視 打機 完全唔記得左 係度講下啦 尋日重點 就係射左一球世界波~! 唔望龍門 直掛入網 靚到呀~! 係咁啦

今日阿關 <--阿爸個朋友裝修完LU 阿爸阿媽都可以休息下lu 所以今日下午既時候就一齊去左行下街 食下野咁啦 不過主要都係行下想買電視機 因為而嫁果部d顏色怪怪地 阿爸就主張買LCD 或者等離子 其實咪差唔多 咁我地第一站就去左d商場呀 電器部行左陣 發覺唔多可靠 話晒都幾萬蚊嫁嘛 梗係買d有保證嫁啦 但行下行下 行到勁肚餓 就去左冬菇亭度食野 果度d麵又真係幾好食wor 最後都係決定去豐澤睇下 之後睇睇 有個sales走埋黎狂sale野係咁sale d電視機 俾佢講下 我都識點睇咩叫好 哈哈~! 不過都係未決定 因為太貴 所以我估都唔會買住 過多排啦 哈

爺爺 我由細到大都係一年見幾次既長輩 通常係暑假或者新年先會返大陸見爺爺 而嫁我每次返去 都只係同人玩 好少同爺爺一齊傾計呀 玩呀咁 但爺爺由細到大都好錫我 成日都想見到我 每次阿爸返去既時候 阿爺都會問隻孫仔返唔返呀 但我次次都好唔孝順咁話唔返 點解我咁不孝呢... 阿爺幾時都咁錫我 咁想見我 點解我次次都唔返呢...... 唉..... 到而嫁 有d好唔開心 如果我果時可以陪阿爺多d 咁幾好呢 我覺得自己好不孝呀>< 好PK~!

阿爺~對唔到呀 我而嫁諗返真係後悔 點解我次次都唔返 唉....珍惜眼前人 <-哩句說話真係 幾多年都係金句 千萬要對你身邊既人好d呀 唔好到時後悔

唔知點解自己成日都咁冇用 一係就沉迷online game 一係就沉迷winning 唉 成日都係咁 幾時先可以好有恆心咁溫書呢~!!! 本身今日都諗住溫下日文嫁啦 但因為要燒埋D日文VCD先 <--上堂有用既碟 所以就係果時一路燒 一路溫 都溫得唔錯既 但燒完之後就又係度打機-.- 話打到4點 但一打就4點半 哎呀 點先可以唔沉迷呢?? 有冇人可以幫下我 我想認真D溫書呀~! 我都學好D日文呀 溝返個日本靚女呀~!! 哎呀 哩D題外話黎嫁JE

今晚食飯既時候 唔知點解好down 一家人傾計既時候 佢地個個都讚d送好食我都覺得嘛 所以我咪又話d麻婆豆腐好食囉 但佢地就好似好唔知點咁 到老豆一句 你成日係屋企做咩嫁?? 真係....... 雖然佢冇心 但聽落黎好傷心-.- 搞到我自己覺得自己好廢 真係好廢.....>< 點先叫有用呢?? 唉.....救命呀 搞到我而嫁打日記既時候 都好唔開心 唉......

連肥仔都開始努力溫書啦 我都要加油啦 聽日家姐又話一齊去玩 咁真係....邊有時間溫呀-.- 難得人地有心情溫書 搞破壞 ~!! 呀~!!!

目標 : 溫書 溫書 溫書 溫書

仲有~就係今日搵到隻online game幾好玩 叫幸福online 雖然公測左成3-4個月 但希望唔好咁快停啦 因為真係幾好玩 而嫁得我同鎮彥玩 我估肥仔都就快玩得lu 到時一齊升lv 好玩呀~! 不過我最憎人玩online唔吹水 即係唔講野 勁黑人憎 好~加油~升lv~!

今日好似冇咩野打落黎 因為今日好普通....但我會keep住咁打~唔會停~!!

每次自己見到d 師奶 呀婆 呀叔 就會不其然諗起自己既爸爸 媽媽 唔係話自己爸爸媽媽老 而係話見到佢地咁辛苦 唔知點解好想上前幫手 果時我同我家姐突然好想爸爸媽媽唔想再咁辛苦 點解自己咁冇用 唉.....仲要爸爸媽媽做野 點解我地搵得咁少錢 所以我同我家姐決定25歲前 要爸爸媽媽退休 令佢地過d舒服既日子 好彩離25歲都仲有d日子 仲有時間發力 好~!!! 加油~!!!所以暫時既理想係25歲前要搵到一份好工 搵到一份過萬既工~!!!!!!!!!! 話明理想與實踐 而實踐就係做返老本行 搵返d短工做住先~ 18歲搵長工~!!!但搵到長工做 我都唔介意~haha~ 加油 加油 再加油~!!!

而今日下午既時候就同肥仔 maymay出左元朗行左陣 行之前當然係食野啦 佢地既選擇竟然係吉野家 雖然吉野家平 但我覺得唔多好食 可能我揀d餐唔好食掛 但今次d牛肉飯又出其地幾好食wor 食完之後 一落電梯就見到呀邊個 <--唔記得個名 好似係咩kit 下次記得打返上黎^^" 我同佢只係泛泛之交到乜果d so只係講左一句 hello 就走左~哈 之後就行下d鞋店 衫店 行下千色 不過我既目標都係販女 佢地就唔知啦^^" 過程都好開心下 行到冇野行 就去左球場睇下人踢波 睇睇下原來校隊都唔係咁勁je 點知睇睇下 見到我5人場踢開果班魚腩隊其中一人 <---唔好問點解叫魚腩隊 因為真係好魚腩-.-" 但佢同校隊踢時 竟然入到波 白痴~!!! 我地同佢地踢 3腳一球啦~!! 垃圾~!! <--好似吹大左 但其實相差唔係好遠嫁喳 之後肥仔仲影低佢個魚腩樣~哈哈

返左屋企後 收埋衫 沖埋涼 都成7點 到阿媽阿爸家姐佢地返黎時 竟然唔記得煮送-.-" 唉......搞到又要阿媽阿爸整 搞到我好鬼內疚 勁down 不過原來阿爸都識煮送嫁~勁~!! 果一刻我勁佩服佢呀~!!

另外我想講一句
＠　多謝你呀 ~ 阿爸阿媽　＠
希望阿爸同阿媽睇唔到啦 唔係我會勁尷尬

唔講唔知 原來旺角都真係幾大嫁 話說我同肥仔,鎮彥 <---佢好唔鍾意我咁叫佢 但我勁鍾意 哈~! 同埋胡展 <--變態嫁-.- 一齊去旺角買衫買鞋買褲啦 點知出到去 個個都唔識行 真係搞笑^^" 另外當然出到去第一樣野梗係食野啦 果時得我同鎮彥同胡展3條友 第一選擇就係大家樂 ( 唔使煩嘛 ) 但之後ban左 咁就繼續行下左行下右 周圍行 話下去果度 話下去E度 點知最後咪又係大家樂-.-" 當我地食到一半時 肥仔就打黎話佢黎緊搵我地 佢都真係幾勁 我地剩係話係大家樂度 話時話旺角都幾間大家樂啦 佢一陣間就到 -.- 原來佢之前未搵我地果時係去左買鞋 買左對NIKE鞋 都幾型既 下文詳解佢對鞋 齊人食完後就開始買野大行動

由肥仔帶路 行下chip之堡 <--好似係咁串 行下幾間商場 而我同鎮彥都只係買左1件衫咁大把-.- 胡展就好d 一衫一褲 不過原來一大班fd一齊行街真係好開心 尤其是行唔知咩名果間商場時 我同鎮彥係度不停眅女 胡展就睇衫 肥仔買完佢對老婆 <--佢對新鞋$999 佢自稱係佢老婆 仲不停咁睇鞋 好似痴左線咁-.-果度最好笑 咁果時我話我都想買對平d既鞋啦 肥仔個死仔就話"麥雞 哩d鞋平wor 岩晒你著wor " 點知一我睇 拖鞋黎既-.- 頂佢個肺 玩我 行完哩間商場之後 都已經將所知道既買衫地方行晒 好似果時都4點30 lu 咁我地就決定返元朗

上左車後 肥仔又繼續愛惜佢個老婆-.-"痴線 我就同阿盈玩左陣sms 胡展同鎮彥就唔出聲 間唔中又講d搞笑野 不過當中又係度嘈去肥仔屋企定去屯門 定係去元朗再行 咁就話去元朗 但點知一陣又話各自返屋企 呀超...~!!! 到左大欖果時 我諗住陪佢地啦 落車轉車 點知俾佢地玩死.....各自搭車 完全唔理我 莫視我既存在 尤其是肥仔 十年朋友 佢一見有車就話 哩度一定有車轉嫁 鬼唔知咩 轉去邊叉度 邊度有得搭 完全唔講...頂~!!!! 搞到我又係搭返車去元朗廣場........死PK~!!!

不過我都好開心有班咁好既朋友 肥仔 胡展 鎮彥 多謝~^^~ 其他冇去果d遲d先提啦~^^

由朝到晚 一開著部電腦 就係上網 之後開icq 但係開左之後 見到咁多人 想搵人傾計啦 但點知睇晒成個list 都搵唔到個傾到計既 除左阿盈 網名 ( 盈妹豬 ) 肥仔 B少 王聰 肥明 之外 真係冇咩人傾到計 有時真係唔明 d人點解online咁耐 佢唔悶嫁??

今日就真係GUNDAM 日 因為我由朝到黑都係睇GUNDAM SEED 睇返之後 真係覺得超好睇 尤其是基拉 型到爆 渣住部FREEDOM 嘩型到呀 之後睇Destiny 基拉明顯大個左 更加型~^^~

越來越發覺五月天d歌超好聽 首倔強真係我超鍾意既歌之一另外 紅線 著魔 戀愛達人 哩d都超正 如果大家睇到我日記 記得dl黎聽啦 真係好正嫁><

哩排開始諗緊整網頁 但我又驚冇咩心機整 整到一半又唔整 咁咪仲衰 So我諗住搵多d素材先開始 咁會方便d嘛

~＃原來我有愛＃~

甚麼時候　甚麼原因　你和我沈澱的對白
全都開始成為是我每天重播的空白錄影帶
無法相信的影像　不停塞進我腦海
才明白 已經逃躲不開內心的澎湃

原來我有愛 早已深深埋在我心海
好多的話 不能說出來
只怕一旦表白從此以後再也不能真心以待

~首歌d歌詞超正 超得~

又到左踢波既日子啦 今日鬼死咁凍 得果11-13度 凍到PK 好彩今日有人去je ....唔係就真係....-.- 不過講起真係好笑 難得今次個個都冇乜遲到 點知上到去吹西北風 竟然冇人帶波-.- 吹脹 就咁係果度企左成半個鍾....無聊 果陣就梗係狂打電話 係咁問 " 有冇波呀?? " " 仲唔黎~!! 快d啦 " 點知最後咪又係去買波 .....呀超

好啦~~終於等齊人啦 開波~!! 踢左n咁多場 我剩係記得有一場 我同王聰 <---我個人覺得真係幾好波既人 2個人3腳就一個攻勢 型到呀...真係...嘩~!!! 最衰肥明又唔黎 唔係既話 我同王聰同肥明 鐵三角啦 型到爆 我自己覺得我同明同聰係最合拍既^^" 踢完之後 成班PK個個話冇錢 都唔知係咪真係既 搞到我一個人返到樓下買野食-.- 屋企又冇人 嗚嗚.........

另外 同B少既WINNING大賽又贏啦 haha 中國對中國 2:1小勝好彩後期入返2球 唔係就真係死得 實輸

HAHA 我又add左個女仔 fd啦 icq度 詳情唔多講啦 因為應承左人唔講 haha 見到佢真人就好啦~^^~

今日第一次打日記 心情有d緊張添 唔知打乜好添 點解d人可以打日記打得咁有恆心既?? 硬係日日打 變態-.-

唉.....有時真係發覺d時間過得好鬼快 一日24個鍾嫁wor 雖然訓左十幾個鍾je 但都唔使咁快又一日呀 工又冇得返 日日都係打機 有時打打下 好鬼感觸 點解自己書又冇得讀 工又冇得返 成個廢人咁 唉............ 雖然成日話等18歲先搵工 其實係咪真係要18歲先搵到工呢?? 真係唔知係俾個藉口自己 定真係咁諗......

今日死人大家姐 又再一次昆我 又話阿媽叫我過去幫手 點知過到去 又話冇叫過 頂佢個肺 去到果度之後 阿爸就叫我車返d工具返屋企 返到屋企之後又車野... 總之就冇野做 通街走

話晒都第一次打日記 講返d開心野先 就係...登登登登 WINNING 贏左B少6:0呀 哈哈 玩得多WINNING 真係發覺5星電腦廢到嘔 今季聯賽 暫時43球 施斯神射手榜第一位 助攻得個7定8個-.- 67入球 6失球 幾勁~! 下季聯賽目標~!!!! 0失球~哈